თურქეთის ჩემპიონმა სტამბულის “ბეშიქთაშმა” ვეტერან პორტუგალიელ ნახევარმცველ რიკარდო კუარეჟმას ახალი კონტრაქტი გაუფორმა. როგორც “არწივების” ვებგვერდი იტყობინება, 33 წლის ევროპის ჩემპიონი თურქულ გუნდში 2020 წლის ზაფხულამდე დარჩება და სეზონში 6 მილიონ ევროს გამოიმუშავებს.

რიკარდო კვარეჟმა “ბეშიქთაშში” 2010-2012 წლებში თამაშობდა, ხოლო 2015 წელს ისევ სტამბულში დაბრუნდა. ამ დროის განმავლობაში კვარეჟმამ “ბეშიქთაშის” მაისური 134-ჯერ მოირგო და 28 გოლი გაიტანა.