ესპანეთის ეროვნული ნაკრებისა და “ბარსელონას” ყოფილმა ნახევარმცველმა ჩავი ერნანდესმა ყატარულ “ალ სადთან” ხელშეკრულება გაახანგრძლივა. 37 წლის ფეხბურთელი, ახალი შეთანხმების მიხედვით, აზიურ კლუბში 2018 წლის ზაფხულამდე ითამაშებს.

ჩავი “ბარსელონაში” 17-წლიანი შთამბეჭდავი კარიერის შემდეგ “ალ სადში” 2015 წელს გადავიდა და კლუბთან კონტრაქტი ამ ზაფხულამდე აკავშირებდა. ლეგენდარულმა მოთამაშემ მიმდინარე სეზონში ყატარის ჩემპიონატში ჩატარებულ 17 მატჩში 6 გოლი გაიტანა და 5 საგოლე გადაცემა შეასრულა.