ზაზა ფაჩულიას “გოლდენ სტეიტი” ზედიზედ შვიდი მოგებული მატჩის შემდეგ მაიამიში “ჰიტთან” 102:105 დამარცხდა. ზაზა ტრადიციულად სასტარტო 5-ეულში იმყოფებოდა. ქართველმა ცენტრმა პარკეტზე 27 წუთი დაჰყო. ამ დროში ფაჩულიამ გუნდს 6 ქულა, 9 მოხსნა, 2 პასი და 2 ჩაჭრა შესძინა. ზაზამ 6-დან 2 ორქულიანი და 4-დან ორი 2-საჯარიმო ჩააგდო.

რაც შეეხება უშუალოდ შეხვედრას, მატჩის ბედი ბოლო წამზე გადაწყდა, როცა 102:102-ზე უეიტერსმა შორეული სამქულიანი გაუშვა და კალათში ზუსტად მოათავსა.

მატჩში ყველაზე მეტი 33 ქულა უეიტერსის ანგარიშზეა, “გოლდენ სტეიტში” 27 ქულით კევინ დურანტი გამოირჩა.

“გოლდენ სტეიტი” 38 მოგებით და 7 მარცხით დასავლეთ კონფერენციას ლიდერობს. მომდევნო შეხვედრას “მეომრები” გასვლაზე “შარლოტ ჰორნეტსთან” გამართავენ, მატჩი 26 იანვარს თბილისის დროით 05:00 საათზე დაიწყება.