"ფიორენტინას" ფეხბურთელი მაურო სარატე კარიერას კვლავ პრემიერლიგაში გააგრძელებს. როგორც Sky Sports-ს სანდო წყარომ განუცხადა, არგენტინელის "უოტფორდში" იჯარის წესით სეზონის ბოლომდე ითამაშებს და სამედიცინო შემოწმება ფეხბურთელმა უკვე გაიარა. სათამაშო წლის ბოლოს კი კლუბს ფეხბურთელის გამოსყიდვის უფლება ექნება.

ინგლისში სარატე აქამდე "ბირმინგემში", "ვესტ ჰემსა" და "ქუინზ პარკ რეინჯერსში" თამაშობდა. "ფიორენტინას" მაურო "ჩაქუჩების რიგებიდან 2016 წლის იანვარში გადავიდა და მას შემდეგ ჩატარებულ 26 მატჩში 7 გოლი გაიტანა და 3 საგოლე გადაცემა შეასრულა.