ტოკიოში მიმდინარე ბაშოზე მე-7 ტურის შეხვედრები გაიმართა და უმაღლეს მაკუუჩი დივიზიონში მოჭიდავე თეიმურაზ ჯუღელმა მორიგი მარცხი იწვნია. გაგამარუს შიკონათი ცნობილმა ქართველმა სეკიტორიმ, რომელიც სეზონის პირველ სუპერტურნირზე მე-13 მაეგაშირას რანგში გამოდის, დღეს მე-14 მაეგაშირა ჩიოტორისთან წააგო და უარყოფითი ბალანსის მინიმუმამდე შემცირების შანსი დაკარგა. ახლა მის ანგარიშზე 2 მოგება და 5 წაგებაა.

მე-8 ტურის შეხვედრები ხვალ გაიმართება. თეიმურაზ ჯუღელი მე-15 მაეგაშირა შადანოუმის პირისპირ დადგება, რომელსაც აქამდე შვიდჯერ დასჭიდებია და აქედან სამჯერ დაუმარცხებია.

იანვრის ბაშოზე დაუმარცხებელი მხოლოდ ორი სეკიტორია. "იმპერატორის თასისკენ” ასპროცენტიანი შედეგით იოკოძუნა ჰაკუჰო და ოძეკი კისენოსატო მიიწევენ.