დორტმუნდის “ბორუსიაში” კაპტინობის გამო გაუგებრობა წარმოიქმნა – ამჟამად “ყვითლებს” მარსელ შმელცერი კაპიტნობს, მაგრამ როგორც გაირკვა, მთავარ მწვრთნელ ტომას ტუხელს კაპიტნის სამკლავურის გადაცემა მარკო როისისთვის სურს.
ამ ფაქტმა კი, გამოცდილი მარცხენა მცველი გააბრაზა:
“შუა სეზონში კაპიტნის შეცვლა აქამდე არსად მომხდარა და ჩემთვის ეს ყველაფერი უცნაურია”, - თქვა შმელცერმა.
“მესმის შმელცერის გაბრაზების. აუცილებლად ორივეს დაველაპარაკები, თუმცა ვფიქრობ, კაპიტნის მნიშვნელობა წინა წლებთან შედარებით გაუფასურდა”, - ეს ტუხელის სიტყვებია.
მარსელ შმელცერი “დორტმუნდის” კაპიტანი ზაფხულში გახდა, როდესაც გუნდი მატს ჰუმელსმა დატოვა. როისი კი, ამ დრომდე ვიცე-კაპიტნის სტატუსით სარგებლობდა.
