ჩინეთში არ ჩერდებიან – ამჯერად აზიაში სტამბულის “გალათასარაის” ვეტერანი თავდამსხმელი ლუკას პოდოლსკი გადაბარგდება. აღნიშნული ინფორმაცია თურქული გუნდის წარმომადგენელმა ლევენთ ნაზიფოღლუმ საჯაროდ დაადასტურა.

მისი თქმით, “ბეიჯინგ გუოანთან” შეთანხმება უკვე მიღწეულია და ჩინური გუნდი ტრანსფერს ოფიციალურად უახლოეს ხანებში დაადასტურებს.

პოდოლსკი მორიგი ფეხბურთელია მათ შორის, რომელიც ჩინეთში ითამაშებს. ბოლო ერთი წლის განმავლობაში ჩინური გუნდები ევროპაში მოთამაშე ფეხბურთელებში სოლიდური თანხების გაღებას არ ერიდებიან. თუმცა, პოდოლსკის ტრანსფერის ფინანსური მხარე ჯერჯერობით არ ხმაურდება.