ინგლისის პრემიერლიგის აუტსაიდერ “ჰალ სიტის” ხელმძღვანელობამ მთავარი მწვრთნელის თანამდებობიდან მაიკლ ფელანი დაითხოვა. 54 წლის სპეციალისტი ამ პოსტზე ოქტომბერში დაინიშნა, მანამდე კი, სტივ ბრიუსის დათხოვნის შემდეგ, მწვრთნელის მოვალეობის შემსრულებელი იყო. ფელანის თავკაცობით გუნდს ზედიზედ 9 მოუგებელი თამაში დაუგროვდა და 20 ტურში მოპოვებული 13 ქულით სატურნირო ცხრილის ფსკერზე იმყოფება, რაც მწვრთნელის გათავისუფლების მიზეზი გახდა.
გავრცელებული ინფორმაციით, “ჰალს” პორტუგალიელი მარკუ სილვა ჩაიბარებს, რომელიც ბოლოს “ოლიმპიაკოსს” წვრთნიდა.
