ლერი ხაბელოვი საქართველოს ეროვნულ ოლიმპიურ კომიტეტს უახლოესი 4 წლის განმავლობაშიც უხელმძღვანელებს. სასტუმრო "რედისონ ბლუ ივერიაში” გამართულ საანგარიშო საარჩევნო სესიაზე, რეგისტრაცია ხმის უფლების მქონე 135-მა დელეგატმა გაიარა.

დღის წესრიგის უმთავრესი საკითხი საპრეზიდენტო არჩევნები იყო, რომელშიც კენჭს ორი კანდიდატი იყრიდა: სეოკ-ის მოქმედი პრეზიდენტი ლერი ხაბელოვი და ირაკლი მეძმარიაშვილი.

საბოლოოდ ხმები ასე გადანაწილდა: ხაბელოვი - 78, მეძმარიაშვილი – 57.