დავით ხოჭოლავა, შესაძლოა, დონეცკის "შახტარის" ფეხბურთელი გახდეს. როგორც შევიტყვეთ, ოდესის "ჩერნომორეცის" ქართველი მცველით რუსული "როსტოვიც" არის დანტერესებული, მაგრამ ხოჭოლავასთვის "შახტარის" ვარიანტი პრიორიტეტულია.
წესით, ყველაფერი უახლოეს დღეებში უნდა გაირკვეს.
ხოჭოლავა შარშან ქობულეთის "შუქურადან" გადავიდა "ჩერნომორეცში", სადაც მშვენივრად წარმოაჩინა თავი და უკრაინის პრემიერლიგის სიმბოლურ ნაკრებშიც არაერთხელ მოხვდა.
"შახტარი" უკრაინის საუკეთესო გუნდია, ამ სეზონში თითქმის უკონკურენციოა და თქმა არ უნდა, დიდი წინსვლა იქნება "ჩერნომორეციდან" დონეცკურ კლუბში გადასვლა.
