მაჯის ტრავმით გამოწვეული ზაზას ოთხმატჩიანი უთამაშებლობის შემდეგ ფაჩულია პარკეტს დაუბრუნდა, “გოლდენ სტეიტმა” “პორტლენდი” 135:90 გაანადგურა.

ზაზა სასტარტო 5-ეულში იმყოფებოდა და პარკეტზე 17 წუთი დაჰყო, ამ დროში ფაჩულიამ გუნდს 4 ქულა, 7 მოხსნა და თითი-თითო დაბაფარება და ჩაჭრა შესძინა. ქართველმა ცენტრმა 4-დან ორი ორქულიანი ჩააგდო. როგორც ჩანს ზაზამ მაჯის ტრავმა მოიშუშა და სათამაშოდ 100 პროცენტით მზადაა.

რაც შეეხება უშუალოდ შეხვედრას “მეომრებმა” მეტოქე ოთხივე პერიოდში დამაჯერებლად დაამარცხეს. მატჩში ყველაზე მეტი 34 ქულა კევინ დურანტის ანგარიშზეა, სტეფ კარიმ მხოლოდ 19 ქულა ჩააგდო. “პორტლენდში” 20 ქულით ლილარდი გამოირჩა.

ოკლენდელები 24 მოგებით და 4 მარცხით დასავლეთ კონფერენციაში პირველ ადგილზე იმყოფებიან, “მეომრები” მომდევნო შეხვედრაში “იუტა ჯაზს” შეხვდებან, მატჩი 21 დეკემბერს თბილისის დროით 07:30 საათზე დაიწყება.