მადრიდის “ატლეტიკოს” ძირითად მეკარეს იან ობლაკს მხრის ოპერაცია წარმატებით ჩაუტარდა. აღნიშნულ ინფორმაციას სლოვენიელი კიპერი სოციალური ქსელის Twitter–ის საშუალებით ავრცელებს.

23 წლის მეკარეს ოპერაცია ლონდონში ჩაუტარდა და აღდგენით პროცესსაც იქ დაიწყებს.

იანმა მხარი ორშაბათს “ვილიარეალთან” წაგებულ (0:3) მატჩში დაიზიანა და დაახლოებით 3-4 თვე ვერ შეძლებს თამაშს.

ობლაკმა მიმდინარე სეზონში ყველა ტურნირზე “ატლეტიკოს” კარი 21-ჯერ დაიცვა და 15 გოლი გაუშვა.