იტალიის ეროვნული ნაკრების ნახევარმცველმა სტეფანო სტურარომ ტურინის "იუვენტუსთან" ახალი ხუთწლიანი კონტრაქტი გააფორმა და გუნდში 2021 წლის ივლისამდე დარჩება. აღნიშნული ინფორმაცია "ბიანკონერის" ოფიციალურმა ვებგვერდმა გაავრცელა.

სტურარო "იუვენტუსს" "ჯენოადან" 2014 წელს შეუერთდა. მას შემდეგ სტეფანომ 43 მატჩი ჩაატარა და 3 გოლის გატანა მოახერხა. ფეხბურთელის სატრანსფერო ღირებულება 12 მილიონი ევროა.