ხორვატიის ეროვნული ნაკრების ნახევარმცველი ივან რაკიტიჩი კატალონიის "ბარსელონასთან" ახალ კონტრაქტს გააფორმებს. ინფორმაციას ესპანური mundo deportivo ავრცელებს. ჯერჯერობით გამოცემისთვის უცნობია თუ რამდენი წლით გახანგრძლივდება მოთამაშესა და კლუბს შორის თანამშრომლობა.

რაკიტიჩი ლა ლიგის კლუბში 2014 წელს "სევილიადან" გადავიდა მას შემდეგ ჩატარებულ 127 მატჩში 19 გოლი გაიტანა. ფეხბურთელს ანდრე გომეშის და დენის სუარესის სახით პოზიციაზე კონკურენტები ჰყავს, თუმცა როგორც ჩანს ლუის ენრიკეს გეგმებში ხორვატი უფრო შედის. რაკიტიჩის გადაბირებით "მანჩესტერ იუნაიტედი", "ჩელსი" და "იუვენტუსი" არიან დაინტერესებულები.