რუსეთის პრემიერლიგას 17 ტურის შემდგომ მოსკოვის “სპარტაკი” დამაჯერებლად ლიდერობს. გამოცემა championat.com-მა კი, “სახალხო გუნდის” მიერ პირველ წრეში გატანილ გოლებს გადახედა და მათგან 5 საუკეთესო გამოარჩია.
რუსული ვებგვერდის შედგენილ ტოპ ხუთეულში ორი გოლი ჯანო ანანიძისაა – მეოთხე ადგილზე “ორენბურგის” კარში (VIDEO), ხოლო მესამე პოზიციაზე “ანჟისთან” გატანილი გოლი გავიდა (VIDEO).
აღსანიშნავია, რომ ხუთეულში ვერ მოხვდა ტულას “არსენალის” კარში გატანილი ორი გოლი, არადა, ორივე საკმაოდ ლამაზი გოლი იყო.
მთლიანობაში ჯანომ პირველ წრეში 11 მატჩი ჩაატარა და მეტოქეთა კარში 4 გოლის გატანა შესძლო.
