ნაციონალური საკალათბურთო ასოციაციის კვირის საუკეთესო მოთამაშეებად დასავლეთ კონფერენციაში “მემფისის” ცენტრი მარკ გასოლი და აღმოსავლეთში “კლივლენდის” ლიდერი ლებრონ ჯეიმსი აღიარეს.

გასულ კვირას “კლივლენდმა” ოთხიდან ოთხივე შეხვედრა მოიგო. ლებრონი საშუალოდ ერთ შეხვედრაში 32.5 ქულას, 7.8 მოხსნას, 2.5 ჩაჭრას და 8 პასს აკეთებდა. “მემფისმაც” ოთხივე მატჩი თავის სასარგებლოდ დაასრულა და მარკი საშუალოდ ერთ შეხვედრაში 27.3 ქულას, 10 მოხსნას, 5.3 პასს და 1.5 ბლოკ-შოტს აკეთებდა.