ბრაზილიური “შაპეკოენსეს” აწ გარდაცვლილი მეკარე დანილო პადილია ბრაზილიის 2016 წლის საუკეთესო ფეხბურთელად დასახელდა. 31 წლის ფეხბურთელს გულშემატკივართა აბსოლუტურმა უმრავლესობამ დაუჭირა მხარი – 47.93%-მა.

მან დიდი სხვაობით გაუსწრო დიეგოს, რომელიც მეორე ადგილზე ხმების 13.34%-ით გავიდა.

კუთვნილი ჯილდო დანილოს დედამ ჩაიბარა:

“დიდი მადლობა ყველას, რომ სითბოს გამოხატავთ ჩვენდამი. მინდა გთხოვოთ, რომ ილოცოთ ბევრი დანილოს სულისთვის. ქუჩაში უცხო ადამიანები მხვდებიან და მამხნევებენ, ისინი ძალას მაძლევენ”, - აღნიშნა ილაიდესმა.

შეგახსენებთ, დანილო იმ ავიაკატასტროფას შეეწირა, რომელიც ორი კვირის წინ მედელინთან ახლოს მოხდა. მის გარდა კიდევ 75 ადამიანი დაიღუპა.