ესპანეთის ეროვნული ნაკრებისა და ლონდონის „ჩელსის“ ნახევარმცველმა სესკ ფაბრეგასმა მაღალი ანაზღაურების სანაცვლოდ კარიერის ჩინეთში გაგრძელების ვარიანტზე უარი თქვა.

Marca-ს ცნობით, ერთ-ერთი ჩინური კლუბი 29 წლის ფეხბურთელს ხელფასის სახით წელიწადში 31 მილიონ ევროს სთავაზობდა.

ფაბრეგასი „ჩელსიში“ 2014 წლიდან თამაშობს და წინა ორი სეზონისგან განსხვავებით, მიმდინარე სეზონში სასტარტო შემადგენლობაში იშვიათად ხვდება. მან პირველი გუნდის მაისურით პრემიერლიგის მხოლოდ 6 მატჩში მიიღო მონაწილეობა და ორი საგოლე გადაცემა შეასრულა.

შედეგად, გაჩნდა ინფორმაცია, რომ სესკი გუნდს გამოიცვლიდა და შესაძლო ვარიანტებად იტალიური „რომა“ და ლონდონის „ვესტ ჰემი“ სახელდებიან.