“ბარსელონამ” ჟოან გამპერის თასის ტრადიციულ გათამაშებაზე 2017 წლისთვის ბრაზილიური “შაპეკოენსე” მიიწვია.
კატალონიური კლუბის მიერ გამოქვეყნებულ განცხადებაში ნათქვამია, რომ “ბარსელონას” სურს პატივი მიაგოს 29 ნოემბერს მომხდარი ავიაკატასტროფის დროს დაღუპულთა ხსოვნას და ბრაზილიურ კლუბს, რომელმაც ამ ტრაგედიის შედეგად თითქმის მთელი შემადგენლობა დაკარგა, სპორტულ და ინსტიტუციურ დონეზე თანამშრომლობას სთავაზობს.
გამპერის თასის გათამაშება “ბარსელონას” პირველი პრეზიდენტის, ჟოან გამპერის პატივსაცემად ყოველი სეზონის წინ იმართება.
