ფოთის "კოლხეთის" აზერბაიჯანელმა ლეგიონერმა რასიმ რამალდანოვმა განაცხადა, რომ აზერბაიჯანის ჩემპიონატში თამაში სურს, მაგრამ შესაძლოა, ისევ საქართველოში გააგრძელოს კარიერა.
"ფოთელები ისევ მიკავშირდებიან, მაგრამ მათთვის პასუხი ჯერ არ გამიცია. "კოლხეთთან" კონტრაქტი დამიმთავრდა. საქართველოში თამაში სასიამოვნო იყო, საინტერესო ჩემპიონატი აქვთ. გავიგე, რომ ბათუმის "დინამო" და ქუთაისის "ტორპედო" დაინტერესებულნი არიან ჩემით, ამიტომაც მათ წინადადებასაც ველოდები. თბილისის "დინამოში" ვითამაშებდი და სულაც არ ვფიქრობ, რომ იქ თამაში რთულია. საქართველოს ჩემპიონატში ის ფეხბურთელებიც ვნახე, რომლებიც ადრე აზერბაიჯანში გამოდიოდნენ: ბოლქვაძე, სალუქვაძე, ლომაია, გელაშვილი, ღონღაძე. საქართველოსა და აზერბაიჯანის ჩემპიონატებს ვერ შევადარებ, მაგრამ "ყარაბახი" და "გაბალა" ქართულ გუნდებზე ძლიერები არიან".
