არგენტინის ეროვნული ნაკრების და "ვალენსიას" მცველი ეზეკიელ გარაი მარჯვენა ფეხზე კუნთების პრობლემების გამო სამი კვირის განმავლობაში ვერ ითამაშებს. აღნიშნული ინფორმაცია "ღამურების" ოფიციალურმა ვებგვერდმა გაავრცელა. სამხრეთამერიკელმა ტრავმა "მალაგასთან" ფრედ (2:2) დასრულებულ ლა ლიგის მე-14 ტურის მატჩში მიიღო.

გარაი ტრავმის გამო "სოსიედადთან", "რეალთან" და "ლეგანესთან" გასამართ მატჩებს გამოტოვებს. ეზეკიელმა მიმდინარე სეზონში "ვალენსიას" მაისურით 14 მატჩი ჩაატარა და 1 გოლი გაიტანა.