გაიმართა საქართველოს 19-წლამდე ლიგის ნახევარფინალები. ორივე მატჩს ზესტაფონის "დავით აბაშიძის" სტადიონმა უმასპინძლა. თბილისის "დინამომ" 2:1 სძლია ქუთაისის "ტორპედოს" და "საბურთალომ" ასეთივე ანგარიშით აჯობა "ზუგდიდს".

დინამოელთა ამ ასაკის გუნდს ლევან გვანცელაძე წვრთნის, ხოლო საბურთალოელებს - გიორგი ჭელიძე.

ფინალი 9 დეკემბერს 14:00 საათზე დაიწყება თბილისის "მიხეილ მესხზე".

შეგახსენებთ, გუშინ 15 და 17-წლამდელთა ლიგის ფინალები გაიმართა. 15-წლამდელებში "დინამომ" 4:0 სძლია სფფ აკადემიას, 17-წლამდელებში კი "ლოკომოტივმა" 4:1 მოუგო "საბურთალოს".