“მანჩესტერ იუნაიტედის” მთავარმა მწვრთნელმა ჟოზე მოურინიომ პრემიერლიგის მე-14 ტურის “ევერტონი” – “მანჩესტერის” 1:1 მატჩის შემდეგ კომენტარი გააკეთა და აღნიშნა, რომ მის გუნდს უნდა მოეგო.

“დღეს კარგად ვითამაშეთ, მაგრამ ვერ მოვიგეთ. შეგვეძლო მეორე გოლის გატანაც, მაგრამ საბოლოოდ ჩვენს კარში მივიღეთ. ვფიქრობ, ჩვენ უნდა მოგვეგო. ჩვენი თამაშის ხარისხის შესაბამისი ნამდვილად არ არის “მანჩესტერის” ადგილი სატურნირო ცხრილში. წინ ბევრი მნიშვნელოვანი შეხვედრა გველის და ეს ყველაფერი უნდა დავივიწყოთ”- განაცხადა მოურინიომ.

პრემიერლიგაში “მანჩესტერი” 5 მოგებით, 6 ფრით და 3 წაგებით მეექვსე ადგილზე იმყოფება.