მიუნხენის “ბაიერნის” ფეხბურთელმა ფრანკ რიბერიმ გუნდთან ახალი კონტრაქტი გააფორმა. “რეკორდმაისტერის” ვებგვერდის ინფორმაციით, 33 წლის ფრანგი შემტევი მიუნხენში 2018 წლის 30 ივნისამდე დარჩება. ძველ ხელშეკრულებას კი ვადა 2017 წლის ზაფხულში გასდიოდა.

“ძალიან ბედნიერი ვარ, რომ “ბაიერნში” კიდევ ერთ სეზონს ვითამაშებ. მიუნხენი ამ დროის განმავლობაში ჩემს ოჯახად იქცა. მჯერა, რომ იმ წელიწადნახევარში, რაც დამრჩა აქ სათამაშოდ, ბევრ ტიტულს მოვიგებ და ჩვენს ქომაგებს გავახარებთ”, - განაცხადა რიბერიმ.

ფრანგი მოთამაშე “ბაიერნში” 2007 წლიდან თამაშობს და ხსენებულ პერიოდში ყოველთვის გუნდის მნიშვნელოვანი ფიგურა იყო.