დღეს დასრულდა უმაღლესი ლიგის ორივე ჯგუფის ბოლო ტურის მატჩები და ცხრილი საბოლოოდ დალაგდა. ერთ ჯგუფში პირდაპირ გავარდნილი გუნდი ცნობილი იყო (“ზუგდიდი”), მას კი “ცხინვალიც” შეუერთდა. კახა კაჭარავას გუნდმა “ჩიხურასთან” გასვლაზე 1:4 წააგო. “ცხინვალს” რომ მოეგო, “გურია” გავარდებოდა, მაგრამ ჯგუფის გამარჯვებულმა საჩხერელებმა ფეარ პლეის პრინციპს არ უღალატეს.

“საბურთალოს” გაუჩნდა ევროტურნირებზე გასვლის შანსი. გიორგი ჭიაბრიშვილის გუნდმა ბათუმის “დინამოს” სტუმრად 1:0 აჯობა და ჯგუფში მესამეზე გავიდა. ფოთის “კოლხეთმა” ბოლო ტურები ძალიან სუსტად ჩაატარადა დღესაც წააგო - გორის “დილასთან”.

გორელები პლეი-აუტს მაინც ვერ გადაურჩნენ, მათ “გურიასთან” ორმატჩიანი დაპირისპირება მოელით. აი, “კოლხეთი” კი, მეოთხეზე დარჩა, უვნებელ ადგილზე - არც პლეი-ოფი მოუწევს და არც პლეი-აუტი.

მეორე ჯგუფში ასევე მეოთხეზე გავიდა თბილისის “ლოკომოტივი” და დაასრულა ჩემპიონატი. გიორგი დევდარიანის გუნდს დღეს “შუქურასთვის” რომ მოეგო, მესამეზე გავიდოდა და ევროსაგზურისთვის იბრძოლებდა, მაგრამ პირიქით, აქეთ გადარჩა... აგებდა და 77-ე წუთზე რატი არდაზიშვილმა გაათანაბრა - 1:1.

“ლოკოს” რომ წაეგო, პლეი-აუტი მოუწევდა, ხოლო მეოთხე ადგილზე “შუქურა” გადავიდოდა... ახლა ქობულეთელებს “სიონთან: მოუწევთ ჭიდილი პროლიგა1-ში დასარჩენად.

“წითელი ჯგუფის” გამარჯვებულმა “სამტრედიამ” კი ბოლოადგილოსან “ზუგდიდს” 5:0 სძლია, 3 და 11 დეკემბერს კი “ჩიხურასთან” მოუწევს დაპირისპირებები. “ტორპედო” (ქუთაისი) –“დინამო” (თბილისი) - ამ თამაშზე სხვა მასალაში დავწერეთ, გიორგი ზარიას გოლით თბილისელებმა იმარჯვეს.

პლეი-ოფში გუნდები ერთმანეთს ორ მატჩში შეხვდებიან (30 ნოემბერსა და 4 დეკემბერს)

თეთრი ჯგუფის III - წითელი ჯგუფის II: ტორპედო - დინამო ბათუმი

წითელი ჯგუფის III - თეთრი ჯგუფის II: საბურთალო - დინამო თბილისი

მოგებულები 10 დეკემბერს “მცირე ფინალში”, მესამე ადგილისთვის მატჩში შეხვდებიან ერთმანეთს - ნეიტრალურ მოედანზე.

შენიშვნა: მცირე ფინალს ვინც მოიგებს, ის გავა გაისად ევროპის ლიგის საკვალიფიკაციოზე; თუ “ტორპედომ” მოიგო, მაშინ “მცირე ფინალში” წაგებული გავა ევროპაზე, რადგან “ტორპედომ” საქართველოს თასი მოიპოვა და ისედაც უკვე გაინაღდა ევროტურნირები.

პლეი-აუტში გუნდები ერთმანეთს ორ მატჩში შეხვდებიან (1 და 6 დეკემბერს)

თეთრი ჯგუფის მეექვსე - წითელი ჯგუფის მეხუთე: გურია - დილა

წითელი ჯგუფის მეხუთე - თეთრი ჯგუფის მეექვსე: სიონი - შუქურა

წყვილში გამარჯვებულები გაისადაც პროლიგა1-ში ითამაშებენ, წაგებულები კი გავარდებიან პროლიგა 2-ში.

თეთრი ჯგუფი

“ტორპედო” (ქუთაისი) -“დინამო” (თბილისი) 0:1 (0:1)

გოლი: 0:1 ზარია (30)

“ლოკომოტივი” (თბილისი) –“შუქურა” (ქობულეთი) 1:1 (0:1)

გოლები: 0:1 შალამბერიძე (25), 1:1 არდაზიშვილი (77)

“ჩიხურა” (საჩხერე) –“ცხინვალი” 4:1 (1:0)

გოლები: 1:0 გაბედავა (25), 2:0, 3:0 ტატანაშვილი (62, 67), 3:1 მაქაცარია (68), 4:1 გორგიაშვილი (90)

ჩიხურა	12	9	2	1	27	11	16	29
დინამო თბ	12	6	5	1	17	5	12	23
ტორპედო	12	4	3	5	16	12	4	15
ლოკომოტივი	12	4	3	5	11	18	-7	15
შუქურა	12	2	6	4	10	13	-3	12
გურია	12	3	2	7	8	21	-13	11
ცხინვალი	12	2	3	7	12	21	-9	9

წითელი ჯგუფი

“ზუგდიდი”–“სამტრედია” 0:5 (0:2)

გოლები: 0:1 ზივზივაძე (3), 0:2 არაბული (24), 0:3 გოგიაშვილი (49), 0:4 არაბული (55), 0:5 ზივზივაძე (63)

“დილა” (გორი) –“კოლხეთი” (ფოთი) 1:0 (1:0)

გოლი: 1:0 დავით კაპანაძე (17)

გაძევება: კვახაძე (47),რამალდანოვი (47)

“დინამო” (ბათუმი) –“საბურთალო” (თბილისი) 0:1 (0:0)

გოლი: 0:1 ხარა (67)

სამტრედია	12	8	3	1	27	9	18	27
დინამო ბთ	12	5	5	2	20	5	15	20
საბურთალო	12	5	4	3	17	12	5	19
კოლხეთი 1913	12	6	0	6	10	18	-8	18
დილა	12	5	2	5	13	12	1	17
სიონი	12	3	2	7	13	19	-6	11
ზუგდიდი	12	2	0	10	5	30	-25	6