ინგლისის საფეხბურთო ასოციაციის სადისცპლინო კომიტეტმა ქვეყნის ჩემპიონ “ლესტერ სიტის” ნახევარმცველი დენი დრინკუოთერი სამმატჩიანი დისკვალიფიკაციით დასაჯა. 26 წლის ფეხბურთელმა გასულ ტურში “უოტფორდთან” მატჩის 67-ე წუთზე შვეიცარიელ ვალონ ბეჰრამის სახეში იდაყვი მოარტყა.
ეს ეპიზოდი მთავარ მსაჯ ნილ სვორბრიკს შეუმჩნეველი დარჩა, მაგრამ სადისციპლინო კომიტეტს – არა.
შესაბამისად, დრინკუოთერს პრემიერლიგის მომდევნო მატჩები - “მიდლსბროსთან”, “სანდერლენდთან” და “მანჩესტერ სიტისთან” - გაუცდება. ამ სეზონში ინგლისელმა ნახევარმცველმა “მელიების” შემადგენლობაში 19 თამაშის ჩატარება მოახერხა.
