გასულ უქმეებზე, ბიზნესის ჩემპიონთა ლიგის მორიგი კალენდარული ტურის შეხვედრები გაიმართა.

შაბათს, 19 ნოემბერს, პირველად ლიგის ისტორიაში თამაშებს რეგიონმა, კონკრეტულად კი ზესტაფონის სპორტის სასახლემ უმასპინძლა, სადაც მესამე ტურის შეხვედრები სუპერლიგა B-ს გუნდებმა გამართეს.

საქართველოს უნივერსიტეტმა ეროვნული თავდაცვის აკადემიის გუნდს სძლია 7-3, ასეთივე ანგარიშით, მასპინძელმა ზესტაფონის „ფერომ“ ჯვაროსნები-2 დაამარცხა. მიმდინარე გათამაშებაში პირველი მარცხი იწვნია ამ ტურამდე ერთპიროვნულმა ლიდერმა თელავმა, რომელმაც უნიკრედიტისგან მიიღო სამი უპასუხო ბურთი - 0-3. მორიგი დამაჯერებელი გამარჯვება მოიპოვა „ფანდეი ენტერტაიმენტის“ გუნდმა, რომელმაც ამჯერად ვივუსის დამარცხება შეძლო 6-1. იმერული ტურნე წარმატებული გამოდგა კავკასიის საერთაშორისო უნივერსიტეტის გუნდისთვის, რომელმაც სადებიუტო სეზონში, სადებიუტო სამი ქულა მოიპოვა - „სტუდენტებმა“ ევროკრედიტი დაამარცხეს 4-1. ამრიგად სამი ტურის შემდეგ სატურნირო ცხრილში „მრავალხელისუფლებიანობაა“ – 6-6 ქულა ერთბაშად 5 გუნდს აქვს დაგროვილი. ერთადერთი გუნდი, რომელსაც ჯერ-ჯერობით აქტივში ნული უწერია თავდაცვის აკადემიაა.

19.11.2016. ქ. ზესტაფონი. სუპერლიგა B. III ტური

FC UG - ეთა 7-3

სკ თელავი - Unicredit.ge 0-3

სკ ფერო (ზესტ) - სკ ჯვაროსნები 2 7-3

Vivus.ge – Funday ENT. 1-6

კსუ/CIU - სკ ევროკრედიტი 4-1

20 ნოემბერს სათამაშო დღე თბილისის ახალ სპორტის სასახლეში განახლდა.

ვერცხლის ლიგის მესამე ტური დომინოს პიცისა და შემოსავლების სამსახურის გუნდების შეხვედრით დაიწყო, სადაც გამარჯვება ამ უკანასკნელმა მოიპოვა 2-1. პირველი ქულები დაკარგა ერთ-ერთმა ფავორიტმა, ევროპაბეთმა, რომელმაც საქრუსენერგოსთან დათმო 2-5. ასეთივე ანგარიშით ლიბერთი ბანკმა ელიტა ბურჯს მოუგო. ერთი გატანილი გოლით შემოიფარგლნენ ბანკი რესპუბლიკისა და მინას გუნდები, სადაც გამარჯვება „ბანკირებს“ ხვდათ წილად 1-0. ასევე მინამულური სხვაობით იმარჯვა თეთრი ქუდის გუნდმა, რომელმაც კუბიკს სძლია 5-4. „სოკოების“ მსგავსად მოგებათა სერიას განაგრძობს ბაქსვუდი - „მოსწავლეებმა“ ავერსი დაამარცხეს დამაჯერებლად 5-1. დღის ყველაზე უხვგოლიანი შეხვედრა საქართველოს ბანკსა და აჭარა ჯგუფს შორის გაიმართა - ბანკირებმა დიდი ანგარიშით 12-3 გაანადგურეს მეტოქე. სამი ტურის შემდეგ სამ-სამი მოგებით ვერცხლის ლიგის სატურნირო ცხრილს საქართველოს ბანკი, ბაქსვუდი და თეთრი ქუდი ლიდერობენ.

20.11.2016. ქ. თბილისი. ვერცხლის ლიგა. III ტური

დომინო’ს პიცა - RS 1-2

ევროპაბეთი - საქრუსენერგო 2-5

მინა - ბანკი რესპუბლიკა 0-1

ბაქსვუდი - ავერსი 5-1

თეთრი ქუდი - კუბიკი 5-4

ლიბერთი ბანკი - ელიტა ბურჯი 5-2

საქართველოს ბანკი - აჭარა ჯგუფი 12-3

კვირასვე გაიმართა სუპერლიგა A-ს მესამე ტურის შეხვედრებიც.

იუსტიციის სამინისტროს დანაშაულის პრევენციის ცენტრის გუნდმა, სკ ჯვაროსნებს სძლია მინიმალურად 1-0. მიმდინარე გათამაშებაში პირველი გამარჯვება იზეიმა ტელეკომპანია იმედის გუნდმა, რომელმაც „ჯორჯიან მანგანეზ ჭიათურა“ დაამარცხა 3-1. ასეთივე ანგარიშით იმარჯვა სახელმწიფო დაცვის სპეციალური სამსახურის გუნდმაც, რომელმაც მფკ ნატახტარი დატოვა უქულოდ. ტურის და მთლიანად სათამაშო დღის ცენტრალური დაპირისპირება, სატურნირო ცხრილის ორ ლიდერს, პსპ-სა და საქართველოს ფეხბურთის ფედერაციის გუნდებს შორის გაიმართა. სავსე ტრიბუნების ფონზე მიმდინარე დაძაბული და სანახაობრივი შეხვედრა სფფ-ს გამარჯვებით 6-3 დასრულდა, რომელმაც ამ მოგებით სატურნირო ცხრილში ერთპიროვნული ლიდერობა მოიპოვა. ჰეთ თრიკით გამოირჩა ალექსანდრე იაშვილი, თითო-თითო გოლი კი გივი კვარაცხელიას, ლევან კობიაშვილის და კახა კალაძის ანგარიშზეა.

20.11.2016. ქ. თბილისი. სუპერლიგა A. III ტური

CFCP – სკ ჯვაროსნები 1-0

ტვ იმედი - GM ჭიათურა 3-1

FC PSP - სფფ 3-6

სდსს - მფკ ნატახტარი 3-1

ბიზნესის ჩემპიონთა ლიგის გენერალური პარტნიორია „ვითიბი ბანკი“. ჩემპიონატის ტექნიკური პარტნიორია, ესპანური სპორტული ბრენდი JOMA.

ღონისძიების პარტნიორები და მხარდამჭერები არიან: ტელეკომპანია „იმედი“, “წყალი მარგებელი“, იურიდიული ჯგუფი „ერისთავი და პარტნიორები“, „ტატიშვილის სამედიცინო და სპორტული რეაბილიტაციის ცენტრი“, სასტუმრო „ჰოლიდეი ინი“.

მედია პარტნიორები: რადიოები, „იმედი“, JAKO FM, „კომერსანტი“, ვებ პორტალები, sportall.ge, worldsport.ge, sportstar.ge, adjarasport.com, mysports.ge, geosports.ge, გაზეთი „ლელო” და სპორტული ჟურნალი „ათიანი“.

სპორტული სააგენტო SBM-ის პრესსამსახური / sbm.ge