კატალონიის “ბარსელონას” რომ უამრავი ცნობილი და სახელგავარდნილი ადამიანი ქომაგობს – ეს ყველასათვის გასაგები ამბავია. თუმცა, ამ “ფეისებს” შორის უდავოდ გამორჩეულია წარმოშობით ებრაელი ტოპ-მოდელი, ბარ რაფაელი, რომლის სიტყვას კატალონურ კლუბთან დაკავშირებით ყოველთვის დიდი ფასი ადევს.
ამასწინათ ბარ რაფაელმა ერთ-ერთ “ყვითელ” გამოცემას ვრცელი ინტერვიუ მისცა და საკუთარ პირად ცხოვრებასა და სამომავლო გეგმებთან ერთად, “ბარსელონას” მომავალზეც ისაუბრა. ცნობილი მოდელი შიშს გამოთქვამს იმასთან დაკავშირებით, რომ შეიძლება ადრე თუ გვიან ლეო მესი კლუბიდან წავიდეს.
ბარ რაფაელი გულდარდიანობს იმის გამო, რომ ამ ბოლო დროს ბევრს საუბრობენ მესის “ბარსელონადან” წასვლაზე და ამ ჭორებს ისიც აძლიერებს, რომ თავად ლეო მესი დიდად არ აპროტესტებს მის გარშემო ატეხილ აჟიოტაჟს. ებრაული ფესვების მქონე მოდელი კი იძახის – რაღა ულეომესო “ბარსელონა” და რაღა უშალვანათელაშვილო ლეიბორისტული (შრომის) პარტიაო.
