წლის შემაჯამებელი საჩოგბურთო ტურნირის ბ ჯგუფის მეორე მატჩში ნოვაკ ჯოკოვიჩმა კანადელი მირლოშ რაონიჩი 7:6, 7:6 დაამარცხა (VIDEO) და ტურნირის ნახევარფინალში გასვლა გაინაღდა. შეხვედრა ორ საათსა და 17 წუთს გაგრძელდა.
ორივე სეტი ბედი ტაი-ბრეიკზე გადაწყდა, სადაც ნოვაკმა უკეთ ითამაშა. პირველი სეტის ტაი-ბრეიკი სერბმა 8:6 მოიგო, ხოლო მეორე პარტიის 7:5.
შტატისტიკური მონაცემებს რაც შეეხება, მატჩში სულ 168 ქულა გათამაშდა აქედან 85 ნოვაკის გამარჯვებით დასრულდა, ხოლო 83 რაონიჩის. სერბმა 22 შეცდომა დაუშვა, ხოლო მილოშმა 27.
ბოლო მესამე ტურში ჯოკოვიჩი მონფილს შეხვდება, ხოლო დომინიკ ტიმი მილოშ რაონიჩს.
წლის შემაჯამებელი ტურნირის საპრიზო ფონდი 7.5 მილიონ ამერიკულ დოლარს შეადგენს.
| 1. | ნოვაკ ჯოკოვიჩი | 2 | 2 | 0 | 4:1 | 2 | |
| 2. | მილოშ რაონიჩი | 2 | 1 | 1 | 2:2 | 1 | |
| 3. | დომინიკ ტიმი | 2 | 1 | 1 | 3:3 | 1 | |
| 4. | გაელ მონფილსი | 2 | 0 | 2 | 1:4 | 0 | |
