ზაზა ფაჩულიას “გოლდენ სტეიტმა” გასვლაზე “დენვერ ნაგეტსი” 125:101 დაამარცხა. ფაჩულია ტრადიციულად სასტარტო ხუთეულში იმყოფებოდა და გუნდს ოთხი ქულა, ამდენივე პასი და ჩაჭრა შესძინა. ზაზას ოთხი ჩაჭრა ოკლანდურ კლუბში სარეკორდო მაჩვენებელია. ფაჩულიამ პარკეტზე 14 წუთი დაჰყო სულ ფარს ორჯერ შეუტია და ორივეჯერ წარმატებულად. ისიც უნდა ითქვას, რომ ქართველმა ცენტრმა ორი პერსონალური ჯარიმა მიიღო და ბურთი ერთხელ დაკარგა.

რაც შეეხება უშუალოდ შეხვედრას “მეომრებმა” მეტოქეს შანსი არ დაუტოვეს. სტეფ კარიმ 33 ქულა ჩააგდო, ტომპსონმა 19, ხოლო დურანტმა – 18.

“გოლდენ სტეიტი” შვიდი მოგებით და ორი მარცხით დასავლეთ კონფერენციაში მეორე ადგილზე იმყოფება. “მეომრები” მომდევნო შეხვედრას შინ “ფინიქსთან” გამართავენ, მატჩი 14 ნოემბერს, თბილისი დროით 05:00 საათზე დაიწყება.