საქართველოს 19-წლამდელ მოკრივეთა ნაკრების სამწვრთნელო შტაბმა რუსეთში გასამართი მსოფლიოს ახალგაზრდული ჩემპიონატისთვის შემადგენლობა დაასახელა. ამ ასაკობრივ ჯგუფში, მიმდინარე სეზონის უმთავრეს შეჯიბრს 17-26 ნოემბერს, სანქტ პეტერბურგი უმასპინძლებს. საქართველოს სახელით კი მსოფლიოს კონკურენციაში ექვსი მოკრივე ჩაებმება.

სარუსეთო ქართული განაცხადი ევროპის ჩემპიონებითა და პრიზიორებითაა დაკომპლექტებული. 19-წლამდელთა ნაკრები წინასატურნირო დასკვნით ორკვირიან შეკრებას თბილისში გადის, გლდანში მდებარე დუნდუების კრივის დარბაზში. ხვალ კი მოკრივეები ღია ვარჯიშს ჩაატარებენ, ხოლო მწვრთნელები ჟურნალისტების შეკითხვებს უპასუხებენ.

საქართველოს ნაკრები

49 კგ - სახილ ალახვერდოვი

56 კგ - ოთარ ნავერიანი

64 კგ - ესკერხან მადიევი

81 კგ - არტიომ იორდანიანი

91 კგ - ნიკოლოზ ბეგაძე

+91 კგ - გიორგი ჭიღლაძე