საქართველოს სამბისტთა ნაკრები მსოფლიოს ჩემპიონატზე მიემგზავრება. 2016 წლის სეზონის უმთავრეს შეჯიბრებას 11-13 ნოემბერს, ბულგარეთის დედაქალაქი სოფია უმასპინძლებს და მსოფლიო კონკურენციაში სულ 14 ქართველი ჩაებმება. მამაკაცთა ნაკრები სრული შემადგენლობით იქნება წარმოდგენილი, ქალთა შორის კი ხალიჩაზე 5 ქართველი გავა.

წლეულს, ევროპის ჩემპიონატზე, საქართველოს ნაკრებმა სულ 12 მედალი მოიპოვა. კონტინენტის ჩემპიონები გახდნენ: ვახტანგ ჩიდრაშვილი (57 კგ), ნიკოლოზ კუცია (82 კგ), ბექა ბერძენიშვილი (+100 კგ) და ნინო ოძელაშვილი (72 კგ). მინდია ლილუაშვილი (68 კგ), პაატა ღვინიაშვილი (90 კგ), ირინე ლეონიძე (80 კგ) და ელენე ქებაძე (+80 კგ) ფინალში დამარცხდნენ. გივი ნადარეიშვილი (52 კგ), დავით ლორიაშვილი (100 კგ), სალომე აბაშიძე (56 კგ) და თეა სუხიტაშვილი (68 კგ) კი ბრინჯაოებს დასჯერდნენ.

საქართველოს ნაკრები

მამაკაცები

52 კგ - გივი ნადარეიშვილი

57 კგ - ვახტანგ ჩიდრაშვილი

62 კგ - ზურაბ ოდოშაშვილი

68 კგ - მინდია ლილუაშვილი

74 კგ - ლევან ნახუცრიშვილი

82 კგ - ნიკოლოზ კუცია

90 კგ - პაატა ღვინიაშვილი

100 კგ - დავით ლორიაშვილი

+100 კგ - ბექა ბერძენიშვილი

ქალები

56 კგ - სალომე აბაშიძე

68 კგ - თეა სუხიტაშვილი

72 კგ - ნინო ოძელაშვილი

80 კგ - ირინა ლეონიძე

+80 კგ - ელენე ქებაძე.