საქართველოს ეროვნული ნაკრებისა და მოსკოვის “სპარტაკის” ნახევარმცველი ჯანო ანანიძე რუსეთის პრემიერლიგის მე-13 ტურის მატჩს ტრავმის გამო გამოტოვებს.
გამოცემა “სპორტ-ექსპრესი” “სპარტაკის” საზოგადოებასთან ურთიერთობის სამსახურის უფროსის, ლეონიდ ტრახტენბერგის სიტყვებზე დაყრდნობით იტყობინება, რომ ქართველმა ფეხბურთელმა პარასკევს გამართულ ვარჯიშზე თეძოს კუნთი დაიზიანა და “ტომთან” დღევანდელ შეხვედრაში მონაწილეობას ვერ მიიღებს. რამდენად მძიმეა ტრავმა და როდის დაუბრუნდება მოედანს ანანიძე ჯერჯერობით უცნობია.
შეგახსენებთ, რომ ჯანო მოლდოვასთან 12 ნოემბერს გასამართი მატჩისთვის ეროვნულ ნაკრებშია გამოძახებული.
კომენტარის გამოქვეყნებისთვის, გთხოვთ გაიაროთ ავტორიზაცია ან რეგისტრაცია
ნეტა რამდენად სერიოზულია