დასრულდა მსოფლიოს ჩემპიონატი კადეტ მოჭადრაკეთა შორის, რომელსაც ქალაქი ბათუმი მასპინძლობდა. 8, 10 და 12-წლამდე ასაკობრივ ჯგუფში, სადაც ექვსი ტურნირი ჩატარდა გოგონებსა და ვაჟებს შორის, 66 ქვეყნის 722 მოჭადრაკე მონაწილეობდა. მათ შორის 104 საქართველოს წარმომადგენელი იყო.

I-V ადგილებზე გასული მოჭადრაკეებისათვის დაწესებული იყო შემდეგი სახის პრიზები:

I ადგილი პერსონალური კომპიუტერი.

II ადგილი პერსონალური კომპიუტერი.

III ადგილი iPhone

IV ადგილი iPhone

V ადგილი ფოტოკამერა.

ქართველმა მოჭადრაკეებმა ძალიან ცუდად ითამაშეს და პირველ ათეულშიც კი ვერ მოხვდნენ. მათ შორის საუკეთესო, 8 წლამდე გოგონათა შორის მოასპარეზე ანა შერაზადაშვილი, მხოლოდ 22-ე ადგილს დასჯერდა. ამ ტურნირმა გვაჩვენა, რომ ბავშვთა ჭადრაკი საქართველოში ღრმა კრიზისში იმყოფება.

გთავაზობთ ჩემპიონთა ვინაობას ასაკობრივი ჯგუფების მიხედვით.

გოგონები:

8 წლამდე

აიშა ზაკიროვა(ყაზახეთი)-9.0 ქულა

10 წლამდე

ვუ როჩელი(აშშ)-9.5 ქულა

12 წლამდე

ბიბისარა ასაბიევა(რუსეთი)-10 ქულა

ვაჟები:

8 წლამდე

შაგელდი კურბანდურდიევი(თურქმენეთი)-9.5 ქულა

10 წლამდე

ილია მაკოვეევი(რუსეთი)-9.0 ქულა

12 წლამდე

ნიხილ კუმარი(აშშ)-9.5 ქულა.