ინგლისური “მანჩესტერ იუნაიტედის” გულშემატკივრებმა გუნდის მთავარი მწვრთნელის ჟოზე მოურინიოს წინააღმდეგ ფართომასშტაბიანი აქცია დაგეგმეს და მის ჩასატარებლად საჭირო თანხის შეგროვება დაიწყეს. ფანებმა ამის შესახებ განცხადება “ტვიტერის” მეშვეობით გაავრცელეს.

პორტუგალიელი სპეციალისტის შეგირდთა შედეგებით უკმაყოფილო ქომაგები ვერტმფრენის დაქირავებას გეგმავენ, რომელიც თამაშის დროს “ოლდ ტრაფორდს” გადაუფრენს, მოურინიოს გადადგომის მითხოვნით გამოფენილი ბანერით.

“მანჩესტერ იუნაიტედმა” პრემიერლიგის ბოლო ტურში საკუთარ მოედანზე “ბარნლის” ვერ აჯობა (0:0), საერთოდაც, ჩემპიონატის 10 მატჩიდან მხოლოდ 4 მოიგო, სამჯერ ფრეს დასჯერდა, ამდენივეჯერ დამარცხდა და 15 ქულით მერვე ადგილზე იმყოფება.