ნაციონალური საკალათბურთო ასოციაციის მორიგ ტურში “ფინიქსი” შინ “გოლდენ სტეიტთან” 100:106 დამარცხდა, ზაზა ფაჩულია სტუმართა სასტარტო 5-ეულში იმყოფებოდა და პარკეტზე 22 წუთი დაჰყო. ამ დროში ქართველმა ცენტრმა გუნდს 5 ქულა, 10 მოხსნა და 4 პასი შესძინა. ფაჩულიამ ბურთი სამჯერ დაკარგა და ერთი პერსონალური ჯარიმა მიიღო. ზაზამ 5-დან ერთი ორქულიანი ჩააგო და სამიდან სამი საჯარიმო სროლა გამოიყენა.

რაც შეეხება უშუალოდ შეხვედრას “ფინიქსმა” პირველი მეოთხედი 30:22 მოიგო, ხოლო დანარჩენი სამი პერიოდი “მეომრების” უპირატესობით წარიმართა. მატჩში ყველაზე მეტი 37 ქული კევინ დურანტმა ჩააგდო, “ფინიქსში” 26 ქულით უორენი გამოირჩა.

მომდევნო მატჩში “გოლდენ სტეიტი” გასვლაზე “პორტლენდს” შეხვდება, თამაში 2 ნოემბერს თბილისის დროით 06:00 საათზე დაიწყება.