დიდი შანსია, უეინ რუნიმ “მანჩესტერ იუნაიტედი” დატოვოს – როგორც ESPN-ი იუწყება, ჟოზე მოურინიოს გეგმებში “შრეკი” არ ჯდება, ხოლო ფეხბურთელს კი, მუდმივი სათამაშო პრაქტიკის მიღება სურს და დღევანდელი ყოფით უკმაყოფილოა.
წყარო ვარაუდობს, რომ რუნი კლუბის შეცვლას ზამთარშივე ეცდება. ჯერჯერობით არ სახელდება მისი მსურველ გუნდთა ვინაობა.
ცოტა ხნის წინ, მოურინიომ ისიც თქვა, რომ რუნის “იუნაიტედი” არ გაასხვისებდა, რადგან იგი გუნდის ლეგენდაა და მხოლოდ უეინზე იქნებოდა დამოკიდებული “ოლდ ტრაფორდიდან” აბარგება. თუმცა, როგორც ჩანს, “განსაკუთრებულმა” აზრი შეიცვალა.
ასევე წყაროს ვარაუდით, რუნის ტრანსფერიდან შემოსული თანხით “მანჩესტერი” “მონაკოს” ბრაზილიელი საყრდენის, ფაბინიოსა და “ევერტონის” განაპირი მცველის, სიმუს კოულმენის შეძენას ეცდება.
