ბექა ბურჯანაძის საუკეთესო თამაში ლიგა ენდესაში – ასეთი სათაურით ეხმაურება ესპანეთის საკალათბურთო ჩემპიონატის ოფიციალური ვებგვერდი ქართველი კალათბურთელის თამაშს “ბილბაოს” წინააღმდეგ. როგორც მცირე სტატიაშია ნათქვამი, ბურჯანაძე დღითიდღე პროგრესირებს და მისი დიდი წვლილია, რომ “ანდორამ” ისტორიაში პირველად მოუგო ბასკურ გუნდს.

“ქართველმა ფორვარდმა დიდი როლი ითამაშა “ანდორას” პირველ გამარჯვებაში “ბილბაოსთან”. ბურჯანაძემ მატჩი 16 ქულით, 3 მოხსნით, 2 პასით დაასრულა და მარგი ქმედების კოეფიციენტი 22 ჰქონდა. გარდა ამისა, ძალიან დიდი ნაბიჯი გადადგა წინ. ამ სეზონში ბურჯანაძის შედეგიანობა მუდმივად იზრდება.

ეს იყო მისი საუკეთესო თამაში იყო ლიგა ენდესაში – ბექას დამსახურებაა, რომ “ანდორამ” “ბილბაოს” პირველად მოუგო, ხოლო ბასკებმა სეზონში პირველად წააგეს”, - წერს ACB.COM-ი.

შეგახსენებთ, ბექა ბურჯანაძის თანაგუნდელი “ანდორაში” გიორგი შერმადინია და ესპანეთის ჩემპიონატის სტარტი ქართველთა გუნდს საკმაოდ კარგი აქვს: 4 ტურში სამი მოგება, ერთი წაგება და 6 ქულით მეხუთე ადგილი უკავია.