როგორც დააანონსებული გახლდათ, ნეიმარმა “ბარსელონასთან” ახალი კონტრაქტი გააფორმა, რომლის თანახმადაც “კამპ ნოუზე” 2021 წლის 30 ივნისის ჩათვლით დარჩება. ბრაზილიელი შემტევი ახალი ხელშეკრულების საფუძველზე სეზონში 25 მილიონ ევროს გამოიმუშავებს, წელს კი ეს რიცხვი ოდენ 18 მილიონს აღწევს.

შეგახსენებთ, ბოლო დროს, ნეიმარის ირგვლივ არაერთხელ გავრცელდა ინფორმაცია იმის შესახებ, რომ თითქოს, ფრანგული პსჟ მის სანაცვლოდ ასტრონომიული თანხის გაღებას აპირებდა, მაგრამ აღნიშნული ჭორები შეიძლება ითქვას, უკვე წარსულში დარჩა.