მსოფლიოს ყოფილმა ნომერ პირველმა ჩოგბურთელმა დანიელმა ქეროლაინ ვოზნიაცკიმ კარიერაში WTA-ის 25-ე ტიტული მოიპოვა. ქეროლაინმა ჰონ კონგის ტურნირის ფინალში ფრანგი კრისტინა მლადენოვიჩი 6:1, 6:7, 6:2 დაამარცხა. დანიელმა წელს მეორე ტიტული მოიპოვა. ამ გამარჯვებით ვოზნიაცკი რეიტინგში მე-20 ადგილიდან მე-17 პოზიციამდე გადაინაცვლებს.

ქეროლაინმა ჰონ კონგში 43 000 დოლარი და 250 სარეიტინგო ქულა მოიპოვა.