ინგლისური გამოცემები ბოლო პერიოდში მემფის დეპაის "მილანში" ტრანსფერზე უკვე ხშირად ლაპარაკობენ. როგორც Daily Express-ი იუწყება, ზამთრის სატრანსფერო პერიოდში "როსონერი" ფეხბურთელის გადაბირებას შეეცდება.

იანვარში იტალიელები "მანჩესტერ იუნაიტედს" შემტევის სანაცვლოდ შეთავაზებას გაუკეთებენ. კლუბის საკონტროლო პაკეტი ჩინელმა ინვესტორებმა იყიდეს და მზად არიან "წითელი ეშმაკების" მიერ მოთხოვნილი თანხა გადაიხადონ.

ჰოლანდიის ეროვნული ნაკრების ფეხბურთელს ჟოზე მოურინიო არ წყალობს. "მანჩესტერის" თავკაცმა მიმდინარე სეზონში მემფისი ხუთ მატჩში ათამაშა და ჯამში დეპაიმ მოედანზე 94 წუთი დაჰყო.