ჩინურ ტიანჯანში მიმდინარე საჩოგბურთო ტურნირის წყვილთა თანრიგის ნახევარფინალში ქართველი ოქსანა კალაშნიკოვას და ესპანელი ლარა არუაბარენას წყვილი პენგი-მაკჰეილის დუეტთან 3:6, 6:3, 5:10 დამარცხდა. შეხვედრა საათსა და 12 წუთს გაგრძელდა.

ნახევარფინალში გასვლით კალაშნიკოვამ 110 სარეიტინგო ქულა გამოიმუშავა. ოქსანა წყვილთა რეიტინგში ამჟამად 47-ე ადგილზე იმყოფება, ტიანჯანში ნაჩვენები შედეგით კი რამდენიმე ადგილით წინ წაიწევს.