მსოფლიოს 2018 წლის ჩემპიონატის შესარჩევი ციკლის A ჯგუფს ორი ტურის მერე სამი ლიდერი ჰყავს – ჰოლანდიას, შვედეთსა და საფრანგეთს 4-4 ქულა აქვს.
გუშინ, როტერდამში, ჰოლანდიის ნაკრებმა ბელორუსს უმასპინძლა და ადვილად სძლია 4:1 გამარჯვებულთა შორის საუკეთესო ჯანო ანანიძის თანაგუნდელი ქვინსი პრომესი გახლდათ, რომელიც ჩინებულ ფორმაშია. იგი დუბლით გამოირჩა.
ანალოგიური ანგარიშით იმარჯვა საფრანგეთის ნაკრებმაც – “მამლებმა” “სტად დე ფრანსზე” ბულგარეთის ნაკრებს აჯობეს. პრომესისა არ იყოს, აქაც დუბლით გამოიჩინა თავი კევინ გამეირომ. არადა, თავიდან ყველაფერი ბულგარელთათვის ხელსაყრელად დაიწყო – მე-6 წუთზე დაწინაურდნენ.
ამავე ჯგუფის კიდევ ერთ მატჩში შვედეთმა მაჩანჩალა ლუქსემბურგს გაჭირვებით, მაგრამ მაინც მოუგო მიქაელ ლუსტიგის გოლით. მესამე ტურში ცენტრალური მატჩი ამსტერდამში შედგება, სადაც ჰოლანდიის ნაკრები საფრანგეთს დაუხვდება.
ლუქსემბურგი – შვედეთი 0:1 (0:0) VIDEO
გოლი: 0:1 ლუსტიგი (58)
ჰოლანდია – ბელარუსი 4:1 (2:0) VIDEO
გოლები: 1:0 პრომესი (15), 2:0 პრომესი (31), 2:1 რიოსი (46), 3:1 კლაასენი (56), 4:1 იანსენი (64)
საფრანგეთი – ბულგარეთი 4:1 (3:1) VIDEO
გოლები: 0:1 ალექსანდროვი (6), 1:1 გამეირო (23), 2:1 პაიე (26), 3:1 გრიზმანი (38), 4:1 გამეირო (58)
| 1. | ჰოლანდია | 2 | 1 | 1 | 0 | 5:2 | 4 | |
| 2. | საფრანგეთი | 2 | 1 | 1 | 0 | 4:1 | 4 | |
| 3. | შვედეთი | 2 | 1 | 1 | 0 | 2:1 | 4 | |
| 4. | ბულგარეთი | 2 | 1 | 0 | 1 | 5:7 | 3 | |
| 5. | ბელარუსი | 2 | 0 | 1 | 1 | 1:4 | 1 | |
| 6. | ლუქსემბურგი | 2 | 0 | 0 | 2 | 3:5 | 0 |
მომდევნო ტური – 10 ოქტომბერი
ჰოლანდია – საფრანგეთი
ბელარუსი – ლუქსემბურგი
შვედეთი - ბულგარეთი
