საქართველოს ეროვნული ნაკრების შემტევი ნახევარმცველი ვაკო ყაზაიშვილი მიიჩნევს, რომ ირლანდიის ნაკრებთან სათამაშოდ გუნდი მზადაა. როგორც ყაზაიშვილმა სფფ-ის პრესსამსახურთან საუბარში განაცხადა, დროა, საქართველოს ნაკრებმა ისტორია შეცვალოს.
“თითოეული ფეხბურთელი მზად ვართ – იყო თამაშები, რომლებშიც დავამტკიცეთ, რომ ბრძოლა და თამაში შეგვიძლია. ირლანდიასთან ეს ნავსი უნდა გავტეხოთ და ისტორია შევცვალოთ”, - ამბობს ყაზაიშვილი.
მოგეხსენებათ, აქამდე ირლანდიამ ჩვენი ქვეყნის მთავარ გუნდს შვიდიდან შვიდივე შეხვედრა მოუგო და დღეს ისინი ერთმანეთის პირისპირ მერვედ წარსდგებიან.
