როგორც ჩანს, იტალიელი თავდამსხმელი მარიო ბალოტელი დაჭკვიანდა. 26 წლის ფორვარდმა Sky sport-თან საუბრისას იტალიის ნაკრების თავკაც ჯამპიერო ვენტურას გადაწყვეტილება მოუწონა და განაცხადა, რომ ამ ეტაპზე ნაკრებში გამოძახებას არ ვიმსახურებდიო.
“მართებული გადაწყვეტილებაა – ეროვნულ ნაკრებში დიდი ხანია არ მითამაშია და გამოძახებას ამჯერადაც არ ვიმსახურებდი. მირჩევნია “სკუადრა აძურას” მომდევნო ჯერზე დავუბრუნდე, რადგან ფიზიკური კონდიციები იდეალურთან ახლოს სწორედ ერთი თვის შემდეგ მექნება”, - განაცხადა ბალოტელიმ.
შეგახსენებთ, მარიო ბოლოს ნაკრებში 2014 წლის ზაფხულში იყო მიწვეული. მიმდინარე სეზონი კი, დიდებულად დაიწყო და ფრანგულ “ნიცაში” მოედანს უგოლოდ არ ტოვებს.
