“მანჩესტერ იუნაიტედის” შვედი ფორვარდი ზლატან იბრაჰიმოვიჩი მორიგი მიღწევის ავტორი გახდა. საქმე ისაა, რომ 34 წლის თავდამსხმელმა გუშინ ევროპა ლიგაზე “მანჩესტერის” მაისურით სადებიუტო გოლი გაიტანა და გახდა ფეხბურთელი, რომელსაც ევროტურნირებზე 7 სხვადასხვა გუნდის რიგებში აქვს გატანილი გოლი.

აქამდე ზლატანს ევროასპარეზზე “აიაქსის”, “იუვენტუსის”, “ინტერის”, “ბარსელონას”, “მილანისა” და პსჟ-ს შემადგენლობაში გამოეჩინა თავი, ახლა კი, ხსენებული გუნდების რიცხვს “იუნაიტედიც” შეუერთდა.

სხვათა შორის, იბრაჰიმოვიჩი ამ მხრივ ერთადერთი ფეხბურთელი არაა – ზუსტად იგივე მაჩვენებელი კიდევ ორ მოთამაშეს აქვს: ნორვეგიელ ჯონ კარეუსა და რუმინელ ადრიან მუტუს, რომელთაც თავის დროზე ასევე 7-7 გუნდის რიგებში გაუტანიათ ევროტურნირებზე.