მადრიდის "რეალის" მთავარმა მწვრთნელმა ზინედინ ზიდანმა "ლას პალმასთან" ფრედ (2:2) დასრულებული ლა ლიგის მეექვსე ტურის მატჩი შეაფასა და აღნიშნა, ჩემი გუნდის თამაშით კმაყოფილი ვარო, მიუხედავად იმისა, რომ "ბლანკოსმა" ორი ქულა დაკარგა და კონკურენტ "ბარსელონას" მხოლოდ ერთი ქულით უსწრებს.
"ლას პალმასის" ორი გოლი სასიამოვნო არ იყო, მაგრამ მთლიანობაში კარგად ვითამაშეთ. ჩემმა გუნდმა ბევრი მომენტი შექმნა, თუმცა ბოლო ეპიზოდში კონცენტრაცია გვაკლდა. მთელ მატჩს ვაკონტროლებდით და ფეხბურთელების თამაშითაც კმაყოფილი ვარ. ცხრილის სათავეში ყოფნა ჩვენი სიძლიერი მიმანიშნებელია." - ციტირებს ფრანგის სიტყვებს "რეალის" ოფიციალური ვებგვერდი.
