"პარი სენ ჟერმენის" მთავარმა მწვრთნელმა უნაი ემერიმ შემტევს ჰატემ ბენ არფას ვარჯიშზე უფრო მეტი დატვირთვისკენ მოუწოდა. როგორც L"equipe იუწყება, ვარჯიშის ერთ-ერთ ეპიზოდში ესპანელმა სპეციალისტმა ფრანგს ყვირილით შემდეგი სიტყვები მიაძახა: "შენ მესი არ ხარ, მარტო მატჩის მოგება არ შეგიძლია."

ასევე ცნობილი გახდა, რომ 29 წლის ფეხბურთელი კლუბის პრეზიდენტს უნდა შეხვდეს და საკუთარი მომავლის შესახებ დაელაპარაკოს. ბენ არფა მიიჩნევს, რომ ემერი მას ზღუდავს და შესაძლებლობების გამოვლენის საშუალებას არ აძლევს.