იტალიის სერიას ა-ს მეოთხე ტურში “რომა” გასვლაზე “ფიორენტინასთან” 0:1 დამარცხდა და იტალიის ჩემპიონატში 20-მატჩიანი წაუგებელი სერია შეწყვიტა.

დედაქალაქელებს სერია ა-ში ბოლოს მიმდინარე წლის იანვრის თვეში “იუვენტუსთან” ჰქონდათ წაგებული (0:1). მას შემდეგ ჩატარებული 20 მატჩიდან “რომამ” 16 მოიგო, ხოლო ოთხი ფრედ დაასრულა. ამასთან აღსანიშნავია, რომ რომაელებმა ამ ოცივე შეხვედრაში მოახერხეს გოლის გატანა.

“ფიორენტინას” ნახევარმცველმა მილან ბადელმა “რომას” გადამწყვეტი გოლი 82-ე წუთზე გაუტანა.