ევრობასკეტ 2017-ის შესარჩევი ეტაპის ბოლო ტურის სიმბოლურ ნაკრებში ფიბას ვერსიით საქართველოს ნაკრების ორი კალათბურთელი მოხვდა: ზაზა ფაჩულია და მაიკლ დიქსონი. ეს გასაკვირი სულაც არაა, ორივემ მონტენეგროსთან მოგებულ მატჩში (90:84) დიდებულად ითამაშა.

ზაზამ ხსენებულ თამაშში 34 წუთში, 21 ქულა დააგროვა, ბურთი ფარიდან 13-ჯერ მოხსნა და 5 შედეგიანი გადაცემაც შეასრულა. იგი მონტენეგროსთან მატჩში ერთადერთი იყო, ვინც ორმაგი დუბლი შეასრულა. რაც შეეხება დიქსონს, 25 წლის კალათბურთელმა 37 წუთში 31 ქულა დააგროვა, 2 პასი მიითვალა და 6 მოხსნაც. დიქსონი დიდებულად ისროდა სამქულიანების, 10-დან 7-ჯერ ბურთი კალათში მოათავსა.

მთლიან ხუთეულს რაც შეეხება, შემდეგნაირია:

ზაზა ფაჩულია - საქართველო (23ქ, 13მ, 5პ), ჟოაო გომესი - პორტუგალია (15ქ, 16მ, 3პ, 2ჩ), ნიკოლაოს სტილიანუ - კვიპროსი (26ქ, 2მ, 5პ, 1ჩ), მარტინ ჰერმანსონი - ისლანდია (18ქ, 3მ, 5პ, 2ჩ), მაიკლ დიქსონი - საქართველო (31ქ, 2პ, 6მ).

შეგახსენებთ, საქართველოს ნაკრებმა F ჯგუფის ბოლო ტურში მონტენეგროს სტუმრად მოუგო, შესარჩევი ეტაპი პირველ ადგილზე დაასრულა და ევროპის ჩემპიონატის ფინალურ ეტაპზე ზედიზედ მეოთხედ თამაშის უფლება მოიპოვა.